ڈرائیونگ ٹکٹس کی جگہ ای پیمنٹ سسٹم شروع کرنے کا فیصلہ 

لاہور:ڈرائیونگ ٹکٹس کی جگہ ای پیمنٹ سسٹم شروع کرنے کا فیصلہ کیا گیا ہے ۔ 

ذرائع کے مطابق  سی ٹی او لاہور  منتظر مہدی کا کہنا ہے کہ شہری چالان فیس کی طرح ڈرائیونگ لائسنس فیس بھی آن لائن جمع کروا سکیں گے، شہری اپنے موبائل اکاؤنٹ، جاز کیش ایزی پیسہ سے بھی لائسنس فیس ادا کر سکیں گے۔  
سی ٹی او لاہور  کا مزید کہنا تھا کہ ایک ماہ کے اندر اندر آن لائن ای پیمنٹ سسٹم شروع کر دیا جائے گا، شہریوں کو لمبی لائنوں سےبھی چھٹکارا مل سکے گا۔ 
لائسنسنگ کا عمل ایک ہفتے کے اندر اندر شروع کر دی جائے گی۔ شہریوں کی سہولت کے پیش نظر لائسنس دفاتر کے اوقات کار بھی بڑھائے جائیں گے۔ 
چھٹی کے روز بھی شہریوں کو لائسنس،  لرنر پرمٹ،  ڈوپلیکٹ، رینول کی سہولت فراہم کی جائے گی۔