عالمی مارکیٹ میں خام تیل کی قیمتوں میں مزید اضافہ

عالمی منڈیوں میں خام تیل کی قیمتوں میں برنٹ آئل مارکیٹ میں خام تیل کی قیمت 84.47 ڈالر فی بیرل ہے، ڈبلیو ٹی آئی منڈی میں خام تیل کی قیمت 82.12 ڈالر فی بیرل ہے۔ 

اس حوالے سے اوگرا ذرائع  کا کہنا ہے کہ گزشتہ 14 دنوں میں عالمی مارکیٹ میں خام تیل کی قیمتوں میں اضافے کا رجحان رہا، عالمی منڈیوں کے تناسب سے پیٹرولیم مصنوعات کی قیمتوں میں 5روپے 50 پیسے تک اضافہ کیا جا سکتا ہے۔

اوگرا ذرائع  کے مطابق اوگرا نے  آئندہ 15 روز کے لیے پیٹرولیم مصنوعات کی قیمتوں کی سفارشات تیارکرلیں ۔ اوگرا نے پیٹرولیم مصنوعات کی قیمتوں سے متعلق 2 تجاویز دی ہیں ، پیٹرول کی قیمت میں 5 روپے اور ڈیزل 5 روپے 50 پیسے مہنگا کیا جا سکتا ہے،پیٹرول اور ڈیزل کی قیمتوں پر لیوی ٹیکس کم کرکے قیمتیں برقرار رکھی جا سکتی ہیں ۔

حکومت اس وقت پیٹرول پر 17 روپے 62 پیسے فی لیٹ لیوی وصول کر رہی ہےاورہائی اسپیڈ ڈیزل پر لیوی کی شرح 13 روپے 14 پیسے فی لیٹر ہے۔ اوگرا پیٹرولیم مصنوعات کی قیمتوں سے متعلق تجاویز آج حکومت کو بھجوائے  گی۔

اوگرا ذرائع کاکہنا ہے کہ پندرہ روز کے لیے پیٹرولیم مصنوعات کی نئی قیمتوں کا اعلان 15 جنوری کو کیا جائے گا۔