سوئیڈن کی وزیراعظم بھی کورونا کا شکار 

غیر ملکی خبررساں ادارے کے مطابق سوئیڈن میں کورونا کی چوتھی لہر جاری ہے ، سوئیڈش وزیراعظم ترجمان  کے مطابق سوئیڈن کی وزیراعظم میگڈلینا تمام احتیاطی تدابیر پر عمل کر رہی ہیں ۔

54 سالہ وزیراعظم میگڈلینا اینڈرسن حکومتی اُمور گھر سے انجام دیں گی۔

میگڈلینا اینڈرسن پارٹی کے ان چند  رہنماؤں میں سے ایک ہیں جنہوں نے اس ہفتے کےآغاز میں  ہونیوالے پارلیمنٹ  اجلا س میں شرکت کی تھی ۔ 

 اس سے قبل سویڈن کے بادشاہ، ملکہ اور ولی عہد سبھی  کورونا وائرس  کا شکار ہو چکے ہیں۔

نورڈک ملک نے وائرس کی بڑھتی ہوئی چوتھی لہر کے دوران اس مہینے کوویڈ کیسز کے  نئے یومیہ ریکارڈ قائم کیے ہیں، جس سے ہیلتھ کئیر سسٹم پر دباؤ بڑھ رہا ہے اور بہت سی پابندیوں کو دوبارہ نافذ کیا گیا ہے۔

علاوہ ازیں  سوئیڈن میں کورونا کی نئی قسم اومی کرون کے بھی کیسز رپورٹ ہوئے ہیں  ۔