سانحہ مری  : تحقیقاتی کمیٹی کی ابتدائی  رپورٹ میں اہم انکشافات

تفصیلات کے مطابق   سانحہ مری   کے حوالے سے تحقیقاتی کمیٹی کی ابتدائی  رپورٹ میں اہم انکشافات سامنے آئے ہیں ۔ذرائع کا کہنا  ہے کہ  میٹرولوجی ڈیپارٹمنٹ نے طوفان کے حوالے سے  کوئی آفیشل نوٹس،یا الرٹ  جاری نہیں کیا،  برف ہٹانے اور سڑکیں صاف کرنے کی مشینری پوائنٹس پر موجودنہ تھی، محکمہ ہائی وے کنٹرول کو روڈ کلئیرنس مشینری بھجوانے کے لیے وائرلیس سے متعدد پیغامات بھیجے گئے،متعدد پیغامات کے باوجود مشینری بروقت نہ بھیجی گئی ۔

ابتدائی رپورٹ کے مطابق باڑیاں روڈ پر صفائی کرنے  والی مشین روک گئی، آپریٹر نے کہا مشین خراب ہے موقع پر پہنچنے پر پتہ چلا مشین میں ڈیزل ختم تھا۔ لوئرٹوپہ،ٹھنڈا جنگل، کلڈانہ،چٹہ موڑ پر درخت اور بجلی تاریں گر گئیں، محکمہ جنگلات کے ملازمین نے درختوں کے گرنے کی اطلاع ملنےکے  بعد متعلقہ نمبرز بند کر لیے،بجلی کی تاریں گرنے سے مری کے انسپکٹر کی گاڑی جل کر خاکستر ہو گئی۔

ابتدائی رپورٹ میں کہا گیا ہے کہ  این ایچ اے اور موٹروے پولیس کی جانب سے بھی عدم تعاون کیا گیا، ریسکیو ٹیموں نے دن کے وقت امدادی سرگرمیاں شروع کیں، متوقع برفباری سے نمٹنے کے لیے انتظامیہ کی جانب سے نومبر دسمبر میں چار میٹنگز کی گئیں۔متوقع حالات  کے لیے دو واٹس گروپ (مری سنو فال) اور (مری سپیشل کے نام سے تشکیل دئیے گئے،  برفباری انتظامات کے حوالے سے ڈپٹی کمشنر نے نومبر،دسمبر اور جنوری میں تین بار مری کے دورے کیے، سٹی پولیس آفیسر نے دسمبر اور جنوری میں مری کے دو دورے کیے،  مری میں پھنسے افراد کو 9000 راشن کے پیکٹس اور 500 کمبل فراہم کیے گئے۔