کورونا وائرس کا پھیلاؤ :  این سی او سی نے نئی پابندیاں عائد کردیں 

اسلام آباد : این سی او سی نے کورونا وائرس کی پانچویں لہر میں تیزی کے بعد نئی پابندیوں کا فیصلہ کیا ہے ۔

این سی او سی نے اپنے ہونے والے اجلاس میں  ان ڈور ڈائیننگ پر پابندی عائد کردی ہے ۔ دس فیصد سے زائد شرح والے شہروں میں انڈور تقریبات پر پابندی عائد ہوگی ۔ 

یکم فروری سے بارہ سال سے زائد عمر کے بچوں کے لیے ویکیسن نیشن لازمی قرار دے دی گئی ہے ۔ آؤٹ ڈور تقریبات میں تین سو افراد شامل ہو سکتے ہیں ۔ 

دس فیصد سے کم والی شرح والے شہروں میں آؤٹ ڈور تقریبات میں پانچ سو افراد شامل ہوسکتے ہیں ۔ لیکن تقریبات میں ویکسنیٹڈ افراد ہی شریک ہوسکیں گے ۔ 

شادی ہالز پر پابندی کا اطلاق پندرہ فروری تک رہے گا۔ 

این پی آئیز کے حوالے سے دوبارہ اجلاس 27 جنوری کو ہوگا ۔ سکولوں میں بارہ سال تک  بچوں پر پچاس فیصد حاضری کی پابندی عائد  ۔

این سی اوسی  اجلاس میں تعلیمی اداروں کوکھلا رکھنے کا فیصلہ کیا گیا ہے ۔ مزارات اور پارکس 50فیصد گنجائش کیساتھ کھلیں گے  ۔ 10فیصد سےکم شرح والے شہروں میں نئے ایس او پیز ہوں گے۔
این سی او سی نے10فیصدسے زائد شرح والے شہروں میں پابندیاں عائد کردیں۔ ان ڈور جمز کو 50فیصدافراد کی گنجائش کے ساتھ کام کرنے کی اجازت ہوگی۔
سینماز، مزارات اور پارکس میں بھی 50% افراد کی شرط عائد، این سی او سی
10% سے زائد شرح والے تمام شہروں میں تمام قسم کی کنٹیکٹ سپورٹس پر بھی پابندی ہوگی۔ 
این سی او سی کی جانب سے کاروباری اوقات میں کسی بھی قسم کی تبدیلی نہیں کی گئی۔ پبلک ٹرانسپورٹ کو بھی 70% افراد کی گنجائش کے ساتھ کام جاری رکھنے کی ہدایات کی گئی ہیں ۔ 
این سی او سی کی جانب سے دفاتر کے اوقات کار میں بھی تبدیلی نہیں کی گئی ۔