اندھے خواب دیکھنے والی اپوزیشن اپنی سیاسی موت مرنے جارہی ہے:شیخ رشید

وفاقی وزیر داخلہ شیخ رشید احمد نے پریس کانفرنس کرتے ہوئے کہاکہ مولانا فضل الرحمان نےکہا تھاعمران خان کومکھی کی طرح نکالیں گے، فضل الرحمان کوکل ن لیگ، پی پی نے مکھی کی طرح نکال دیا۔

انہوں نے کہاہےکہ اپوزیشن عدم اعتمادلائے، ہمیں کوئی خوف نہیں، آصف علی زرداری کو ٹین پرسنٹ اوربلاول کوسلیکٹڈ میں نےنہیں کہا تھا، اندھے خواب دیکھنے والی اپوزیشن اپنی سیاسی موت مرنے جارہی ہے۔

شیخ رشید احمد کا کہنا تھا کہ منی لانڈرنگ کرنے والے جنہوں نے ملک کو بحران سے دوچار کیا۔ اب یہ لوگ اکھٹے ہو گئے ہیں اور اگر اب یہ لوگ اکٹھے بھی آئیں تو آئیں ہمیں کوئی خوف نہیں۔ مجھے ایسا لگ رہا ہے کہ یہ اپنے لیے بڑا مسئلہ پیدا کر رہے ہیں۔

ان کا کہنا تھا کہ یہ لوگ تحریک عدم اعتماد لانا چاہتے ہیں شوق پورا کریں۔ یہ لوگ کہتے ہیں ہمیں گھر بھیجیں گے۔ یہ منہ اور مسور کی دال اب یہ ہمیں کیا گھر بھیجیں گے۔ یہ لوگ انتشار پھیلانے کی کوشش کرتے ہیں یہ ان کی بھول ہے۔

وفاقی  وزیر داخلہ کا مزید کہنا تھا کہ گزشتہ روز بلوچستان میں 20 دہشت گردوں کو ہلاک کیا، کالعدم ٹی ٹی پی سے مذاکرات کے معاملے پر بات کرنا نہیں چاہتا۔