عثمان بزدار نے 9000کنال کی زمین پربطور سی ایم قبضہ کیا ہوا ہے ، پی ٹی آئی رکن داؤد سلیمانی

جی این این کے پروگرام " خبر ہے " میں گفتگو کرتے ہوئے پاکستان تحریک انصاف (پی ٹی آئی ) کے ناراض رکن داؤد سلیمانی نے کہا  کہ  عثمان بزدار نے 0900کنال کی زمین بطور سی ایم قبضہ کیا ہوا ہے۔ ہم عثمان بزدار کو نااہلی، کرپشن اور نو گورننس کی وجہ سے پسند نہیں کرتے۔ عثمان بزدار کے بھائیوں اور رشتہ داروں نے کرپشن کا ماحول گرم کیا ہوا ہے ۔ تونسہ شریف سے متعلق عثمان بزدار نے اپنے وعدے پورے نہیں کیے۔

عثمان بزدار نے 9 ہزار کنال پر قبضہ کیا ہوا ہے، رکن پنجاب اسمبلی کا تہلکہ خیز انکشاف @arifhameed15 @saeed_qazi @tahirmalikpak @UsmanAKBuzdar @PTIofficial @ImranKhanPTI #KhabarHai #GNN pic.twitter.com/l8p7EN0pns

— GNN (@gnnhdofficial) January 27, 2021

 داؤد سلیمانی نے کہا  کہ  ہم پی ٹی آئی کا حصہ ہیں اور پی ٹی آئی میں ہی رہیں گے، ہم وزیر اعظم عمران خان کے ویژن کے ساتھ ہیں ۔ اگر اپوزیشن تحریک عدم اعتماد لاتی ہے تو ہم اپوزیشن کا ساتھ نہیں دیں گے، اگر تحریک عدم اعتماد میں اپوزیشن کا ساتھ دیا تو پھر ہم اپنی پارٹی کے ساتھ غلط کریں گے۔

پاکستان مسلم لیگ ن کے رہنما اشرف انصاری نے پروگرام میں کہا  پاکستان مسلم لیگ ن میںسارے لوگ  محب وطن ہیں، سبھی ملک اور اداروں کے ساتھ کھڑیں ہیں۔ اشرف انصاری نے کہا کہ مسلم لیگ قائد اعظم کی جماعت ہے،جس کی وجہ سے بہت سارا مذہبی طبقہ  مسلم لیگ کے ساتھ کھڑا تھا،وہ ایم پی اےیزاور ایم این ایز جن کا مذہبی بیک گراؤنڈ ہے وہ عورت کی حکمرانی اور مداخلت کو پسند نہیں کرتے ہیں۔اگر مریم نواز نے اسی طرح مداخلت کی تو میری طرح بہت سے ایم پی ایز اور ایم این ایز  اس وجہ سے پارٹی کو خیر باد کہہ دیں گے۔

میں عورت کی حکمرانی کو تسلیم نہیں کرتا، لیگی رہنما کا مریم نواز کیخلاف اعلان بغاوت @arifhameed15 @saeed_qazi @tahirmalikpak @MaryamNSharif @pmln_org @PTIofficial @MoulanaOfficial #KhabarHai #GNN pic.twitter.com/ZmS59XIzhz

— GNN (@gnnhdofficial) January 27, 2021