آسٹریلیا سیریز : ثقلین مشتاق ہیڈ کوچ مقرر

تفصیلات کے مطابق پی سی بی کی جانب سے ثقلین مشتاق کو قومی کرکٹ ٹیم کا ہیڈ کوچ مقرر کیا گیا ہے ۔ وہ آسٹریلیا کےخلاف سیریز کی تیاریوں کے دوران ذمےداریاں سنبھالیں گے ۔

سابق قومی کرکٹر محمد یوسف قومی ٹیم کے بیٹنگ کوچ ہوں گے ۔   ثقلین مشتاق اور شان ٹیٹ کی تقرریاں 12 ماہ کے لیے ہوئی ہیں۔ 

آسٹریلوی کرکٹ بورڈ نے دورۂ پاکستان کے لیے 18 رکنی ٹیسٹ اسکواڈ کا اعلان کر دیا ہے، ٹیم کی قیادت پیٹ کمنز کریں گے جبکہ اسٹیو اسمتھ نائب کپتان ہوں گے۔

آسٹریلوی ٹیم 4سے 8 مارچ تک راولپنڈی میں پہلا ٹیسٹ میچ کھیلے گی ، چاروں وائٹ بال میچز لاہور کی بجائے راولپنڈی میں کھیلے جائیں گے۔ کینگروز 5 اپریل کو راولپنڈی میں آخری ٹی ٹوئنٹی انٹرنیشنل کھیل کر وطن  واپس چلے جائیں گے ۔ 

دوسرا ٹیسٹ 12 سے 16 مارچ تک کراچی اور تیسرا 21 سے 25 مارچ تک لاہور میں کھیلا جائے گا۔

خیال رہے کہ گزشتہ دنوں کرکٹ آسٹریلیا نے بورڈ میٹنگ کے بعد دورۂ پاکستان کی باضابطہ تصدیق کی تھی، آسٹریلین ٹیم 1998کے بعد پہلی مرتبہ پاکستان کا دورہ کررہی ہے ۔