الیکشن کمیشن نے فیصل واوڈا نااہلی کا تحریری فیصلہ جاری کردیا

تفصیلات کے مطابق الیکشن کمیشن نے فیصل واوڈا نااہلی کا تحریری فیصلہ جاری کردیا ہے۔    تحریری فیصلے پر چیف الیکشن کمشنرز سمیت تین ممبران کے دستخط ہیں جبکہ  فیصلہ 27 صفحات پر مشتمل ہے۔

تحریری فیصلے میں کہا گیاہے کہ  فیصل واوڈا نے کاغذات نامزدگی جمع کراتے وقت غلط بیانی حلفی جمع کرایا، غلط بیان حلفی جمع کرانا آرٹیکل 62 ون ایف کے زمرے میں آتا ہے، فیصل واوڈا بطور ایم این اے تمام تنخواہیں اور مراعات واپس کریں،  فیصل واووڈا نے خود کو اپنے کنڈکٹ سے مشکوک بنایا۔

  تحریری فیصلہ میں کہا گیا ہے کہ  فیصل واووڈا نے بطور ایم این اے سینیٹ الیکشن میں ووٹ ڈالا،  بطور ایم این اے ووٹ ڈالنے کے بعد خود کو بطور سینیٹ امیدوار پیش کر دیا، غلط بیان حلفی جمع کرانے پر فیصل واوڈا کا سینیٹ کا نوٹیفکیشن واپس کیا جاتا ہے۔

واضح رہے کہ فیصل واوڈ نااہلی کیس میں درخواست گزاروں کا مؤقف تھا کہ وفاقی وزیر نے بطور امیدوار قومی اسمبلی ریٹرننگ افسر کو کاغذات نامزدگی جمع کراتے وقت اپنی امریکی شہریت چھپائی، الیکشن کمیشن کے متعدد بار پوچھنے کے باجود فیصل واوڈا نے امریکی شہریت چھوڑنے کی تاریخ نہیں بتائی۔

خیال رہے کہ الیکشن کمیشن نے فیصل واوڈا نا اہلی کیس کا فیصلہ 23 دسمبر کو محفوظ کیا تھا۔