مریم نواز کا باحجاب طالبہ سے اظہار یکجہتی، ٹویٹر پروفائل بدل ڈالی

بھارت بھر میں اس وقت حجاب تنازع شدت اختیار کرچکا ہے اور سوشل میڈیا پر ٹاپ ٹرینڈ بھی بن چکا ہے، گزشتہ روز باحجاب مسلم طالبہ مسکان کی جانب سے جرات اور بہادری کا مظاہرہ کرنے پر پاکستان سمیت دنیا بھر میں   اللہ اکبر  کے نعروں کی گونج ہے اور مودی سرکار کو سبکی کا سامنا کرنا پڑ رہا ہے۔

اسی تناظر میں پاکستان مسلم لیگ (ن) کی نائب صدر مریم نواز نے مسکان کو بھرپور انداز میں خراج تحسین پیش کرتے ہوئے اپنے سوشل میڈیا اکاؤنٹس کی پروفائل پر مسکان کی مزاحمتی تصویر کو لگادیا۔

مریم نواز نے مسکان کی تصویر اپ لوڈ کرتے ہوئے کیپشن میں لکھا کہ   نیو پروفائل پکچر ۔

#NewProfilePic pic.twitter.com/NVyvVOoR2O

— Maryam Nawaz Sharif (@MaryamNSharif) February 9, 2022

یاد رہے کہ گزشتہ روز بھارتی ریاست کرناٹک کے کالج میں ایک سکینڈ ایئر کی نہتی باحجاب طالبہ کی ویڈیو سوشل میڈیا پر وائرل ہوئی تھی۔

 باحجاب طالبہ اپنی اسکوٹی میں جیسے ہی کالج میں داخل ہوتی ہے تو کئی ہندو انتہاپسند طلبا  با حجاب طالبہ کے قریب بڑھتے ہوئے جے شری رام کا نعرہ لگاتے ہیں۔

تاہم طالبہ ان ہندو انتہاپسند طلبا سے بغیر ڈرے نڈر ہوکر ان کا ڈٹ کر مقابلہ کرتی ہےاور نعرہ تکبیر بلند کرتی ہوئی کالج کی عمارت کی جانب بڑھتی ہے۔