کورونا کی نئی لہر ، 24 گھنٹوں میں 32 اموات، 2664 نئے کیسز رپورٹ

نیشنل کمانڈ اینڈ کنٹرول سینٹر ( این سی او سی) کے مطابق پاکستان میں کورونا سے اموات کی مجموعی تعداد 13 ہزار 508 تک پہنچ گئی جبکہ متاثرہ افراد کی مجموعی تعداد 6 لاکھ5 ہزار200ہو گئی ہے۔ملک بھرمیں ایکٹو کیسز کی تعداد21ہزار121ہے۔ 5 لاکھ 70 ہزار571افراد کورونا سے صحتیاب ہوچکے ہیں۔

کورونا کے سبب سب سے زیادہ اموات پنجاب میں ہوئی ہیں جہاں 5 ہزار753افراد جان کی بازی ہار چکے ہیں جبکہ سندھ میں 4 ہزار 453، خیبر پختونخوا 2 ہزار153، اسلام آباد میں 524، گلگت بلتستان میں 103، بلوچستان میں 202 اور آزاد کشمیر میں 320 افراد جان کی بازی ہار چکے ہیں۔

اسلام آباد میں کورونا کیسزکی تعداد 47 ہزار710، خیبر پختونخوا 75 ہزار725، سندھ 2 لاکھ 61 ہزار179،  پنجاب میں ایک لاکھ 85 ہزار468، بلوچستان 19 ہزار206، آزاد کشمیر 10 ہزار952 اور گلگت بلتستان میں 4 ہزار 960 افراد کورونا سے متاثر ہوچکے ہیں۔

دوسری جانب ملک میں کورونا مثبت آنے کی شرح  پانچ  اعشاریہ پانچ فیصدہوگئی،فعال کیسز 19 ہزار 764  تک جا پہنچے۔ صورتحال کو دیکھتے ہوئے لاہور  میں تمام انڈور،آؤٹ ڈور میرج ہالز،کمیونٹی سنٹرز اور مارکیزکو 15 مارچ سے 29 مارچ تک مکمل طور پر بند کردیا گیا۔ تمام مزارت اور سینما ہالزکوپندرہ اپریل تک بند کردیا گیا ہے۔  کاروباری مراکز ، تفریحی مقامات اور پارکس شام 6بجے بند کر دیے جائیں گے ۔   کسی بھی سماجی و مذہبی تقریبات میں صرف  50افراد کو شامل ہونے کی اجازت ہو گی۔جیلانی پارک میں سجا جشن بہاراں میلہ بھی ملتوی کردیا گیا۔گجرات  میں انتظامیہ نے ضلع کے  17 مقامات پر  سمارٹ لاک ڈاؤن لگادیا۔فیصل آباد کے متاثرہ علاقوں کوبھی بند کردیا گیا۔ راولپنڈی  کے چارمقامات پر سمارٹ لاک ڈاؤن لگایا گیا ہے۔