الیکشن کمیشن کا ضابطہ اخلاق کی خلاف ورزی پر وزیراعظم کو نوٹس 

تفصیلات کے مطابق  الیکشن کمیشن آف پاکستان نے  ضابطہ اخلاق کی خلاف ورزی پر وزیراعظم کو نوٹس جاری کردیا ہے، وزیر اعظم عمران خان کو 14 مارچ کو خود یا بذریعہ وکیل الیکشن کمیشن پیش ہونے کی ہدایت کی گئی ہے۔الیکشن کمیشن نے وزیر اعلیٰ کے پی، شاہ محمود قریشی ، اسد عمر کو بھی نوٹس بھیج دیا۔الیکشن کمیشن کی جانب سے  وفاقی وزیر مراد سعید اور انور زیب کو بھی نوٹس جاری کیا گیا ہے۔

الیکشن کمیشن نے وزیر اعظم عمران خان  کو دیر کا دورہ کرنے سے منع کیا تھا، الیکشن کمیشن کی ہدایت کے باوجود وزیراعظم نے دیر میں عوامی اجتماع سے خطاب کیا۔

خیال رہے کہ  خیبرپختونخواہ میں بلدیاتی انتخابات کا دوسرا مرحلہ 31 مارچ کو شیڈول ہے۔