پاک آسٹریلیا دوسرا  ٹیسٹ آج سے  کراچی میں ہوگا 

تفصیلات کے مطابق راولپنڈی میں پہلا ٹیسٹ میچ ڈرا ہونے کے بعد پاکستان اور آسٹریلیا کی ٹیمیں آج سے کراچی میں دوسرے ٹیسٹ کا آغاز کر کے سیریز میں برتری حاصل کرنے کی کوششیں کریں گی ۔ نیشنل اسٹیڈیم میں کھیلے جانے والا دوسرا  ٹیسٹ  میچ صبح 10 بجے شروع ہوگا۔

اس سلسلے میں نیشنل اسٹیڈیم کے دروازے کھول دیئے گئے ہیں ، شائقین کرکٹ کو شٹل سروس کے زریعے نیشنل اسٹیڈیم پہنچایا جائے گا ۔  دوسرے ٹیسٹ میچ کے لئے پاکستان ٹیم میں افتخار احمد اور نسیم شاہ کی جگہ حسن علی اور فہیم اشرف کی شمولیت کا امکان ہے۔ 

واضح رہے کہ پاکستان اور آسٹریلیا کے درمیان کھیلے گئے پہلے ٹیسٹ میچ میں پاکستان نے پہلی اننگز 476 رنز چار کھلاڑی آؤٹ پر ڈکلیئر کردی تھی جبکہ دوسری اننگز میں آسٹریلین باؤلرز ناکامی سے دوچار ہوئے تھے اور پاکستان نے بغیر کسی نقصان کے 252رنز بنائے تھے اور میچ ڈرا ہو گیا تھا۔

دونوں ٹیموں کے درمیان  تیسرا میچ لاہور میں 21 مارچ سے شروع ہوگا۔

تین ٹیسٹ میچوں کی سیریز کے بعد دونوں ٹیموں کے درمیان تین ون ڈے اور ایک ٹی ٹوئنٹی میچ کھیلا جائے گا۔