جو عمران خان کے ساتھ کھڑا ہوگاقوم اسے عزت دے گی:شیخ رشید

تفصیلات کے مطابق وفاقی وزیر داخلہ شیخ رشید کا کہنا تھا کہ 15 تاریخ کے بعد عمران خان کی پوزیشن مزید واضح ہوجائے گی۔

انہوں نے کہا ہے کہ اسپیکر اسد قیصر15 مارچ کے بعد فیصلہ کریں گے کہ قومی اسمبلی کا اجلاس کس روز بلایا جائے، 21 اور 22 مارچ کو او آئی سی کی کانفرنس ہے۔

ان کا کہنا تھا کہ ہم چاہتے ہیں کہ اتحادیوں کو ساتھ لے کر چلیں، انسان کو امتحان کے وقت دوستوں کے ساتھ کھڑا ہونا چاہیے۔

شیخ رشید کا کہنا تھا کہ میں نے ق لیگ کا نام لیا نہ چوہدریوں کا، ایک عمومی بات کی تھی، شجاعت میرا بھائی ہے، جب تک زندہ ہوں کبھی ان کے خلاف بات نہیں کروں گا۔

ان کا کہنا تھا کہ عمران خان جیتے گا لیکن انارکی ہے جیتنے کے بعد بھی لوگ باتیں کریں گے جیتنےسے پہلے بھی کررہے ہیں، آپس میں اتنا تناؤ نہیں ہونا چاہیے، ہمیں تلخیوں کی جانب نہی بڑھنا چاہیے کیوں کہ ملک عزیز ہے۔

ان کا مزید کہنا تھا کہ اپوزیشن وہی کررہی ہے جو اس کا کام ہے جب ہم بھی اپوزیشن میں تھے تو ایسے ہی بڑھکیں مارتے تھے،عمران خان کہیں نہیں جارہا 5 سال پورے کرےگا۔