قومی اسمبلی کا اجلاس کب بلایا جائے گا، وزیراعظم کی سینئر قیادت سے مشاورت

تفصیلات کے مطابق اسلام آباد کا سیاسی ماحول گرم ہے، وزیراعظم نےمشاورت کےلیے سینئر قیادت کوبنی گالہ بلایا،اجلاس میں فواد چودھری ،شفقت محمود ، پرویزخٹک اور علی زیدی نے شرکت کی۔ 

اجلاس میں تحریک عدم اعتماد کے حوالے سے حکمت عملی طے کی گئی جبکہ قومی اسمبلی کا اجلاس بلانے سے متعلق حتمی مشاورت کی گئی۔

دوسری جانب تحریک عدم اعتماد کی کامیابی کو یقینی بنانے کے لئے شہبازشریف نے بھی آج لیگی ارکان قومی اسمبلی کو مشاورت کیلئے طلب کیا ہوا ہے، اجلاس میں حکومت کیخلاف حکمت عملی پر غور ہوگا، ارکان کو اپوزیشن اور اتحادی جماعتوں سے رابطوں پر اعتماد میں لیا جائے گا۔