پی ٹی آئی نے 27مارچ کو ڈی چوک پر جلسہ کرنے کا اعلان کر دیا

وزیر منصوبہ بندی  اسد عم27مارچ کو اسلام آباد کے ڈی چوک میں انسانوں کے سمندر کا خیر مقدم کریں گے۔دنیا دیکھے گی عوام کیسے خودمختاری کے لیے کپتان کے ساتھ کھڑے ہوتے ہیں

انہوں نے  کہا ہے کہ 27مارچ کو اسلام آباد کے ڈی چوک میں تاریخ رقم کریں گے۔عمران خان قوم کے اتحاد کی علامت، لٹیروں کیلئے خوف کا پیغام ہیں۔

ان کا کہنا ہے کہ مفاد پرستوں کا گروہ ملکی ترقی کی راہ روک کر قوم کو پستی کی جانب دھکیلنا چاہتا ہے۔کسی کو ملک و قوم کے مستقبل سے کھیلنے کی اجازت نہیں دیں گے۔

مرکزی ایڈیشنل سیکریٹری عامر محمود کیانی جلسے کے انتظامات کی نگرانی کریں گے۔27مارچ کو عوام کے محبوب قائد قوم کو آئندہ کا لائحہ عمل دیں گے۔

کپتان نے ڈی چوک اسلام آباد جلسے کا حتمی فیصلہ کر لیا.... انشاءاللہ 27 مارچ کو تاریخ ساز اجتماع ہونے جا رہا ہے. دنیا دیکھے گی پاکستان کی عوام کیسے اپنی آزادی اور خودمختاری کے لئے اپنے کپتان کے ساتھ کھڑے ہوتے ہیں

— Asad Umar (@Asad_Umar) March 14, 2022