ایم کیو ایم کا وفد چوہدری بردران سے ملاقات کرنے ان کی رہائش گاہ پہنچ گیا

ایم کیو ایم کا وفد چوہدری بردران سے ملاقات کرنے ان کی رہائش گاہ پہنچ گیا ہے۔

اس سے قبل چیئرمین پاکستان پیپلزپارٹی بلاول بھٹو اور آصف علی زرداری کی ایم کیو ایم پاکستان کے کنوینر ڈاکٹر خالد مقبول صدیقی اور سینئر ڈپٹی کنوینر عامر خان کے درمیان ملاقات ہوئی ہے۔

ملاقات میں پیپلزپارٹی کی جانب سے سابق وزیراعظم سید یوسف رضا گیلانی، وزیراعلیٰ سندھ سید مراد علی شاہ ، صوبائی وزرا سعید غنی، سید ناصر حسین شاہ، شرجیل میمن اور رخسانہ بنگش سمیت دیگر موجود تھے جب کہ ایم کیو ایم کی طرف سے وفاقی وزیر سید امین الحق، وسیم اختر، خواجہ اظہار الحسن اور جاوید حنیف نے نمائندگی کی۔

اس حوالے سے جاری کردہ اعلامیے میں کہا گیا ہے کہ ہونے والی ملاقات میں ملک کی سیاسی صورتحال سمیت دیگر متعلقہ امور پر تبادلہ خیال کیا گیا۔

جاری کردہ اعلامیے کے تحت بات چیت کے دوران پاکستان پیپلزپارٹی نے ایم کیو ایم کے پیش کردہ تمام نکات سے اتفاق کیا۔