ہماری سیاست کی بنیاد جمہوریت، اسلام آباد میں جلسے کا مقصد تصادم نہیں: فواد چودھری

وفاقی وزیر اطلاعات فواد چوہدری نے پریس کانفرنس کرتے ہوئے کہا ہے کہ اشیاء کی قیمتیں پوری دنیا میں بڑھی ہیں، پوری دنیا میں سب سے زیادہ پاکستانیوں کی عزت بڑھی ہے۔

انہوں نے کہا کہ ایسے شخص کو لیڈر بنائیں جو آپ کے قد کو اونچا کرے، ہم اپنا پاسپورٹ رکھ کے بتاتے ہیں کہ ہمارا لیڈر عمران خان ہے، لیڈر وہ نہیں جس کی پرچی لیکر امریکی صدر کے سامنے کانپیں ٹانگ رہی ہوں۔

 فواد چوہدری نے کہا کہ حکومت اور اپوزیشن میں اورسیز پاکستانیوں کو ووٹ کا حق دینے کی لڑائی ہے، اورسیز پاکستانیوں کا دل سے شکریہ ادا کرتا ہوں۔

وفاقی وزیر اطلاعات نے کہا کہ ہم کسی بھی فورم میں اورسیز پاکستانی کے حق سے پیچھے نہیں ہٹیں گے، یہ لوگ آپ کے ووٹوں سے خوفزدہ ہیں۔

ان کا مزید کہنا تھا کہ چودھری شجاعت صاحب رائے شخصیت ہیں اور وزیر اعظم عمران خان نے چودھری شجاعت کو ہمیشہ عزت دی۔