شبلی فراز نے آصف زرادری کے خط کو انکی گھبراہٹ قرار دے دیا

تفصیلات کے مطابق وفاقی وزیر شبلی فراز نے گفتگو کرتے ہوئے کہا ہے کہ ہم تو سمجھے تھے کہ بلاول کی کانپیں ٹانگ رہی تھی، اب تو انکے والد آصف زرداری کی بھی کانپیں  ٹانگ رہی ہیں۔

انہوں نے کہا ہے کہ آصف زرداری کو اپنے ایم این ایز پر شک ہے جس کے باعث خط لکھنا پڑا، سابق صدر آصف زرداری نے گبھراہٹ میں آکر اراکین کو نااہلی سے متعلق متنبہ کیا۔

ان کا کہنا تھا کہ آرٹیکل 63 اے سے متعلق خط سابق صدر آصف زرداری کی گھبراہٹ صاف ظاہر ہوتی ہے، آصف زرداری کے ساتھ انکے اپنے لوگ نہیں۔

 شبلی فراز کا مزید کہنا تھا کہ یہ ہمیں طعنہ دیتے ہیں مگر ہم نے کوئی خط نہیں لکھا، اراکین کو خط لکھنا ان کی گبھراہٹ کی عکاسی کرتا ہے۔