پاکستان :کورونا کیسز میں مسلسل کمی ،شرح 1.42 فیصد پر آگئی 

تفصیلات کے مطابق ملک میں کورونا وائرس کے یومیہ کیسزاور اموات  میں مسلسل کمی دیکھنے میں آرہی ہے ۔  نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں گزشتہ 24 گھنٹوں کے دوران 4 مریض انتقال کرگئے   جس کے بعد اموات کی مجموعی تعداد 30ہزار 317ہوگئی ہے ۔

ملک میں گزشتہ 24 گھنٹوں کے دوران 493کیسز رپورٹ ہوئے  جس کے بعد کورونا کیسز کی مجموعی تعداد 15 لاکھ 20ہزار120  ہوگئی ہے ۔ 

این سی اوسی کے مطابق  ملک بھرمیں کوروناایکٹو کیسز کی تعداد17ہزار512ہوگئی، گزشتہ24گھنٹوں میں 1003افرادکوروناسےشفا یاب ہوئے  ہیں جبکہ  اب تک14لاکھ72ہزار291مریض کورونا سےصحت یاب ہوچکےہیں۔ 

Statistics 16 Mar 22:
Total Tests in Last 24 Hours: 34,698
Positive Cases: 493
Positivity %: 1.42%
Deaths :4
Patients on Critical Care: 567

— NCOC (@OfficialNcoc) March 16, 2022

ملک بھر میں گزشتہ24گھنٹوں میں کوروناکے34ہزار698ٹیسٹ کیےگئے ہیں ،  جبکہ کورونا کے567مریضوں کی حالت تشویشناک ہے ۔ 

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔