وزیردفاع پرویزخٹک کی طرف سے مسلم لیگ ق سے متعلق خبرکی تردید

جی این این کے مطابق وزیر دفاع پرویزخٹک کی جانب سے پنجاب کی وزارت اعلی کے حوالے سے  مسلم لیگ ق سے متعلق خبر کی تردید کرتے ہوئے کہا ہے کہ انہوں نے میڈیا پرایسا کوئی بیان جاری نہیں کیا ، خبریں من گھڑت اوربے بنیاد ہیں ۔ پرویز خٹک  کاکہنا ہے  کہ مسلم لیگ ق ہماری اتحادی ہے اوررہے گی ، مسلم لیگ (ق) نے ہرمشکل وقت میں وزیراعظم عمران خان کا ساتھ دیا، اب بھی چوہدری برادران ساتھ کھڑے ہیں اورکھڑے رہیں گے۔ 

اس سے قبل مسلم لیگ ق رہنما  مونس الہٰی نے سماجی رابطے کی ویب سائٹ ٹوئٹر پر پنجاب کی وزارتِ اعلیٰ سے ق لیگ کو انکار کی خبروں پر اپنے ردِ عمل کا اظہار کیا ۔  وفاقی وزیر مونس الٰہی نے ٹوئٹر بیان میں  کہا کہ پرویز خٹک سے ‏ہر دوسرے دن بات ہوتی ہے، ‏وزارت اعلی سے متعلق اپنے بیان کی پرویز خٹک خود وضاحت کر دیں۔

واضح رہے کہ پرویز خٹک کے حوالے سے خبر آئی تھی کہ پی ٹی آئی نے ق لیگ کو وزارتِ اعلیٰ دینے سے انکار کر دیا ہے ۔ پرویز خٹک کا بیان رپورٹ ہوا تھا کہ ق لیگ کا وزیرِ اعلیٰ نہیں بنا سکتے ، ن لیگ بناتی ہے تو بن جائیں ۔

وزیرِ دفاع کا بیان رپورٹ ہوا تھا کہ 5 سیٹوں پر وزیرِ اعلیٰ بنانے کی ڈیمانڈ بلیک میلنگ ہے، ہر مشکل میں بلیک میل کرنا مناسب رویہ نہیں ہے۔