تحریک انصاف نے 14 منحرف ارکان قومی اسمبلی کوشوکازنوٹس جاری کردیے

جی این این کے مطابق تحریک انصاف نے   جن 14 منحرف ارکان قومی اسمبلی کو  شوکاز نوٹس   جاری کیے ہیں ان میں نورعالم خان، افضل خان ڈھانڈلہ، نواب شیر، راجہ ریاض ، احمد حسین دیہڑ، راجہ قاسم نون، عبدالغفاروٹو اورعامرطلال گوپال  شامل ہیں ۔

سید باسط سلطان، خواجہ شیرازمحمود، وجیہہ قمر ، سردارریاض محمود خان ، نزہت پٹھان اوررمیش کمارکوبھی شوکازنوٹس جاری کر دیے گئے ہیں ۔ 

نوٹس کے متن میں منحرف اراکین کو وزیراعظم کے سامنے پیش ہونے کی ہدایت کی گئی ہے۔ 

 گزشتہ روز  سیکرٹری جنرل اسد عمرنے  13منحرف ارکان کے شوکاز نوٹسز پر دستخط کیے تھے  ۔  ذرائع کے مطابق منحرف ارکان کو7 روزکےاندرمعافی مانگ کرغیرمشروط پارٹی میں واپس آنے کی مہلت دی جائے گی ، جبکہ ‎7 ‎ روز تک جواب نہ دینے اورواپس نہ آنے والوں کے خلاف قانونی کارروائی کی جائے گی۔ 

وزیراعظم کی زیرصدارت سیاسی کمیٹی اجلاس میں منحرف ارکان کوشوکازجاری کرنے کا فیصلہ کیا گیا تھا۔

یاد رہے کہ ایک  روز قبل  تحریک انصاف کے منحرف رکن قومی اسمبلی راجہ ریاض نے دعویٰ کیا تھا کہ سندھ ہاؤس اسلام آباد میں 24 کے قریب پی ٹی آئی ارکان موجود ہیں۔