جوہری جنگ میں روس کبھی جیت نہیں سکتا، سیکرٹری جنرل نیٹو

نیٹو  کے سربراہ اجلاس سے پہلے سیکرٹری جنرل نیٹو نے  پریس بریفنگ میں کہا ہے کہ چین یوکرین پر حملے کی مذمت کرے،روس کی مدد کی بجائے جنگ کے خاتمے کی کوششیں کرے، چین کے حکام نے یوکرین اور نیٹو کے متعلق جھوٹ پھیلائے۔

 سیکرٹری جنرل نیٹو نے کہا کہ بیلاروس یوکرین پر روس کے حملے کے آغاز سے پہلے ہی اس کا مددگار ہے،بیلاروس نے یوکرین پر حملے کے لیے روسی افواج کو اپنے ایئرفیلڈ استعمال کرنے کی اجازت دی، کسی بھی خطرے کی صورت میں اتحادیوں کے دفاع کے منصوبے موجود ہیں۔

 سیکرٹری جنرل نیٹو کا کہنا تھا کہ روس نے یوکرین میں کسی قسم کے کیمیائی ہتھیار استعمال کئے تو اس کے نتائج دور رس ہوں گے، چین نے یوکرین جنگ کے متعلق جھوٹ پھیلانے سمیت کئی طرح روس کو سیاسی مدد فراہم کی،  نیٹو ممالک چین سے مطالبہ کریں کہ وہ اپنی ذمہ داریاں نبھائے۔

 سیکرٹری جنرل نیٹو  نے مزید کہا کہ  نیٹو اس جنگ کا حصہ نہیں ہم نے یوکرین کو اس کے دفاع میں مدد فراہم کی، دستے نہیں بھیجیں گے،  روس  جوہری ہتھیاروں کے استعمال کا غیرذمہ دارانہ اور خطرناک بیانیہ ترک کرے، روس پر واضح کر دینا چاہتا ہوں جوہری جنگ میں بھی وہ کبھی جیت نہیں سکتا۔