میٹرک اور انٹر کا امتحانی نظام تبدیل

محکمہ ہائر ایجوکیشن نے رواں سال سے بچوں سے ضمنی امتحانات نہ لینے کا فیصلہ کیا ، پنجاب بورڈ کمیٹی آف چیئرمینز نے مشاورت کے بعد تعلیمی بورڈز کا امتحانی نظام تبدیل کردیا , تعلیمی سال میں صرف دو بار امتحانات منعقد کروائے جائیں گے، نیا امتحانی نظام موجودہ تعلیمی سال سے نافذ العمل ہے. 

محکمہ اعلیٰ تعلیم کے مطابق دوسرا سالانہ امتحانات ستمبر میں منعقد ہوگا، ایسے امیدوار جو سالانہ امتحان میں شرکت نہیں کرسکیں گے، وہ ستمبر میں دوسرے امتحان میں شرکت کرسکیں گے۔

دوسری جانب لاہور سمیت پنجاب بھر کے سرکاری سکولوں کیلئے نیا نصاب شائع نہ ہونے کے باعث رواں سال سکولوں میں طلبا کو گرمیوں کی چھٹیوں کا ہوم ورک نہ ملنے کا امکان ہے،لاہور میں زیر تعلیم 6 لاکھ سے زائد بچوں کیلئے 30 لاکھ سے زائد کتابیں درکار ہیں۔

اساتذہ کا کہنا ہے کہ دو ماہ کےقلیل عرصے میں اتنے بڑے پیمانے پر کتابوں کی اشاعت ٹیکسٹ بک بورڈ کیلئےممکن نہیں ہوگا، کتابیں کی اشاعت نہ ہونے کی وجہ سے لاکھوں طلبا کو گرمیوں کی چھٹیوں کا ہوم ورک نہیں مل سکے گا جبکہ  پی سی ٹی بی کا کہنا ہے کہ سلیبس کی اشاعت جاری ہے،گرمی کی چھٹیوں سے قبل سلیبس فراہم کردیا جائے گا۔

دوسری جانب پنجاب یونیورسٹی نے موسم بہار کی تعطیلات کا اعلان کردیا.یونیورسٹی حکام نے تعطیلات کا نوٹی فکیشن جاری کردیا ۔

تفصیلات کےمطابق موسم بہار نے نجی تعلیمی اداروں کے بعد پنجاب یونیورسٹی کے طلبہ کا مزہ بھی دوبالاکردیا۔ یونیورسٹی نے موسم بہار کی تعطیلات کا اعلان کردیا۔

، پنجاب یونیورسٹی کے تمام ڈیپارٹمنٹ، اور یونیورسٹی سے ملحقہ تمام کالجز ، مراکز اور تعلیمی ادارے 28 مارچ سے 8 اپریل2022 تک بند رہیں گے۔یونیورسٹی حکام نے تعطیلات کا نوٹی فکیشن جاری کردیا ۔