پاکستان میں کورونا سے اموات اور کیسز میں نمایاں کمی 

تفصیلات کے مطابق ملک میں کورونا کی پانچویں لہر کے دوران کیسز اور ا موات میں بتدریج کمی ہورہی ہے ،   نیشنل کمانڈ اینڈ آپریشن سینٹر(این سی او سی) کے مطابق گزشتہ 24 گھنٹے میں کورونا سے  4 مریض چل بسے ، جس کے بعد  ملک میں اموات کی مجموعی تعداد 30ہزار 340ہوگئی ہے ۔

 سرکاری اعداد و شمار کے مطابق ملک میں 24 گھنٹے میں  کوروناکے30 ہزار417ٹیسٹ کیےگئے جس میں سے 189 کیسز مثبت رپورٹ ہوئے۔  جس کے بعد ملک  میں کورونا کیسز کی مجموعی تعداد15لاکھ23ہزار590ہوگئی ہے ۔ 

این سی اوسی کے مطابق  ملک بھرمیں کوروناایکٹو کیسز کی تعداد8ہزار 165ہوگئی، گزشتہ24گھنٹوں میں367 افرادکوروناسےشفایاب ہوچکے، اب تک14لاکھ85ہزار085مریض کورونا سےصحت یاب ہوچکےہیں۔ 

ملک میں کوروناکےمثبت کیسزکی شرح  0.62 فیصدرہی ، پاکستان میں کوروناکے451مریضوں کی حالت تشویشناک ہے ۔ 

Statistics 26 Mar 22
Total Tests in Last 24 Hours: 30,417
Positive Cases: 189
Positivity %: 0.62%
Deaths :4
Patients on Critical Care: 451

— NCOC (@OfficialNcoc) March 25, 2022

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔