ویمنز ورلڈ کپ : نیوزی لینڈ نے پاکستان کو شکست دے دی 

انٹر نیشنل کرکٹ کونسل (آئی سی سی) میگا ایونٹ میں قومی ویمنز ٹیم کی بدترین کارکردگی سامنے آئی ہے ،  ویمنز ورلڈکپ میں  قومی ٹیم 266 رنز کا ہدف حاصل کرنے میں ناکام رہی ،  گرین شرٹس کی یہ ٹورنامنٹ میں چھٹی شکست ہے۔

ہفتہ کو ہیگلے اوول، کرائسٹ چرچ میں کھیلے گئے ٹورنامنٹ کے 26 ویں میچ میں میزبان ٹیم نیوزی لینڈ نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 265 رنز بنائے۔

اوپنر بیٹر سوزی بیٹس نے شاندار بیٹنگ کا مظاہرہ کیا اور 126 رنز بنائے، پاکستان ویمنز کی جانب سے ندا ڈار نے 3 کھلاڑیوں کو آﺅٹ کیا۔ قومی ویمن ٹیم مطلوبہ ہدف حاصل کرنے میں ناکام رہی اور اس نے مقررہ 50 اوورز میں 9 وکٹوں کے نقصان پر 194 رنز بنائے، ندا ڈار 50 رنز کے ساتھ ٹاپ سکورر رہیں۔

نیوزی لینڈ کی طرف سے ہینا رو نے عمدہ باولنگ کا مظاہرہ کیا اور 5 وکٹیں حاصل کیں۔ سوزی بیٹس کو میچ کی بہترین کھلاڑی قرار دیا گیا۔ 

New Zealand beat Pakistan by 71 runs and keep their slim hopes of a #CWC22 semi-final spot alive. pic.twitter.com/9KoKRoxW8h

— ICC (@ICC) March 26, 2022

واضح رہے کہ قومی خواتین ٹیم کی ورلڈ کپ میں کارکردگی انتہائی ناقص رہی اور اس نے ابتدائی راونڈ کے تمام 7 میچ کھیل کر صرف ایک میں کامیابی حاصل کی ہے۔