پنجاب اسمبلی تحلیل کرنے کا امکان : ذرائع

ذرائع کے مطابق وزیر اعظم عمران خان کی جانب سے پنجاب اسمبلی کو تحلیل کرنے کا امکان ہے، جبکہ گذشتہ روز وزیر اعظم نے اپنے با اعتماد ساتھیوں کے ساتھ اسمبلی کو تحلیل کرنے کے لیے مشاورت مکمل کر لی ہے اور کسی بھی وقت وزیر اعلیٰ پنجاب عثمان بزدار گورنر پنجاب کو اسمبلی تحلیل کرنے کی سمری بھجوا سکتے ہیں ۔ 

اسمبلی کب تحلیل کی جائے گی؟ حتمی فیصلہ وزیراعظم کریں گے، ذرائع #GNN #GNNUpdates pic.twitter.com/AYHd8vAk8Y

— GNN (@gnnhdofficial) March 26, 2022

دوسری جانب وزیر خارجہ مخدوم شاہ محمود قریشی و وزیر دفاع پرویز خٹک پر مشتمل حکومتی وفد لاہور میں چوہدری برادران سے ملاقات پہنچا تو چوہدری پرویز الہی اور چوہدری مونس الٰہی نے وفد کا استقبال کیا۔

حکومتی وفد اور چوہدری برادران کے درمیان ملاقات میں ملک کی موجودہ سیاسی صورت حال اور تحریک عدم اعتماد کو ناکام بنانے کے لیے حکومت کی حمایت سے متعلق معاملات پرغور کیا گیا۔

ذرائع ابلاغ کے مطابق سپیکرچودھری پرویز الہٰی کاصحافیوں سے غیررسمی گفتگو کے دوران کہنا تھاکہ سیاسی ڈرامےکاابھی ڈراپ سین نہیں ہوگا،بلکہ ڈرامے کے کردار تبدیل ہوں گے، ہانڈی پک چکی، آدھی بٹ چکی، آدھی بانٹی جارہی ہے،جو باہر بیٹھے ہیں ان کی بیماری کی ابھی دوائی نہیں آئی، سیاست میں اسلام کو لانے والوں کا نہیں ہمارا مستقبل  روشن ہے۔