وزیراعظم کی سربراہی میں ہونے والے اجلاس کی اندرونی کہانی سامنے آگئی

 ذرائع کے مطابق حکومتی ترجمانوں کو  دھمکی آمیز  خط پر بریفنگ دی گئی اور وزیراعظم نے ترجمانوں کو  ہدایت کی کہ دھمکی آمیز خط کا معاملہ اجاگر کریں۔

ذرائع پی ٹی آئی کے مطابق وزیراعظم عمران خان نے گفتگو کرتے ہوئے کہا کہ دھمکی آمیز خط چیف جسٹس آف پاکستان کے ساتھ شیئر کرنے کی پیشکش کر دی ہے، خط پاکستان کے خلاف سازش ہے۔

ذرائع کے مطابق اجلاس میں یہ بات بھی سامنے آئی کہ دھمکی آمیز خط وزیر اعظم کو تحریک عدم اعتماد جمع ہونے سے ایک دن پہلے ملا۔

ذرائع کے مطابق وزیراعظم نے کہا کہ تحریک عدم اعتماد ناکام ہو گی، بلوچستان عوامی پارٹی کے اراکین نے رابطے شروع کردئیے ہیں، جلد ان کی واپسی ہو گی۔

انہوں نے مزید کہا کہ آئندہ چند روز میں تمام تر صورتحال واضح ہو جائے گی۔