عمران خان نے احتساب کا نعرہ لگا کر بدترین انتقام لیا:شہباز شریف

تفصیلات کے مطابق قومی اسمبلی میں قائد حزب اختلاف شہباز شریف نے کہا کہ وزیر اعظم عمران خان نے احتساب کے نام پر بدترین انتقام لیا۔

وفاقی دارالحکومت اسلام آباد میں نیوز کانفرس سے خطاب میں ان کا کہنا تھا کہ ہم نے کرپشن کے خاتمے کا کبھی ڈھنڈورا نہیں پیٹا، عدم اعتماد کے حوالے سے وزیر اعظم کے خلاف نمبرز پورے ہیں، اتوار کو عمران خان کو شکست ہوگی۔

انہوں نے کہا کہ ابھی تک کسی اتحادی یا پارٹی کو کال نہیں آئی کہ یہ نہ کریں، 

شہباز شریف کا مزید کہنا تھا کہ متحدہ اپوزیشن کی حکومت آئی تو سب سے پہلے غریب کی زندگی بہتر کریں گے۔

ذرائع کے مطابق پریس کانفرس کے دوران شہباز شریف کو سابق وزیر اعظم نواز شریف کا فون بھی آیا۔

شہباز شریف نے نواز شریف سے کہا کہ 'اتحادی جماعتوں سے مشاورت جاری ہے،میں پریس کانفرنس میں بیٹھا ہوں، ابھی آپ سے بات کرتا ہوں۔'

انہوں نے کہا کہ نواز شریف اپنے علاج کے بعد جلد پاکستان واپس آ جائیں گے۔