نوازشریف چاہیں تو24 گھنٹوں میں انہیں سفری دستاویزات فراہم کرسکتے ہیں،شیخ رشید

وفاقی وزیر داخلہ شیخ رشید نے میڈیا سے گفتگو کرتے ہوئے کہا کہ نوازشریف نے اپنا پاسپورٹ ری نیو نہیں کرایا۔ سابق وزیر اعظم نواز شریف چاہیں توان   کو  24 گھنٹوں میں سفری دستاویزات فراہم کرسکتے ہیں۔ہم شارٹ نوٹس پر ان کاپاسپورٹ جاری کرسکتےہیں جس پر وہ صرف پاکستان آسکیں گے۔

شیخ رشید نے کہا کہ   پی ڈی ایم نے اب جو فیصلہ کیا اس کو سراہتا ہوں، فضل الرحمان کے ساتھ ہاتھ ہوگا یہ پہلے ہی انہیں کہا تھا ۔ سیاست میں سکون آیا ہے، اب رمضان سکون سے گزرے گا۔انہوں نے کہا کہ آج ن لیگ میں سیاسی سوچ کے 2 گروپ موجود ہیں،اگر اعلان نہ ہوتوفرق نہیں پڑتا۔

وفاقی وزیر داخلہ نے کہا کہ  6 مہینےسے ملک کاکوئی کونا نہیں چھوڑا،جہاں انھوں نے جلسی جلوس نہ کیا ہو، عمران خان کے مالاکنڈ اوردیگرجلسے کورونا کے سبب فی الحال کینسل کردیے ہیں ۔انہوں نے کہا کہ  عمران خان نے کہا کہ پاکستان کی تاریخ میں2نئے ڈیم بنانے جارہے ہیں، ڈیم بننے سے بجلی سستی ہوگی علاقے میں روزگار بڑھے گا۔

وزیر داخلہ شیخ رشید نے میڈیا سے گفتگو میں کہا   کہ ہماری پہلی ترجیح ہونی چاہیے کہ منہگائی کو کیسے کنٹرول کریں، بنیادی ضرورت کی اشیا کی قیمتوں پر ہمیں کنٹرول رکھنا ہوگا۔انہوں نے مزید کہا کہ   اب تمام محکموں میں جہاں افسران کئی سال سے نوکری پر ہیں انہیں ٹرانسفر کررہےہیں،کارکردگی اور میرٹ کی بنیاد پرنئے افسران مختلف ممالک میں بھیجنے لگے ہیں۔