زرداری اور بلاول بھٹو کی زیر صدارت پی پی سینٹرل ایگزیکٹو کمیٹی کا اجلاس

پیپلزپارٹی پارلیمنٹرینز کے صدر آصف علی زرداری اور چیئرمین پاکستان پیپلزپارٹی بلاول بھٹو زرداری کی سربراہی میں پارٹی کی سینٹرل ایگزیکٹو کمیٹی کا اجلاس زرداری ہاؤس میں ہوا، اجلاس میں ملک بھر سے سینٹرل ایگزیکٹو کمیٹی کے اراکین نے شرکت کی۔

اجلاس میں ملکی سیاسی صورتحال کے حوالے سے تبادلہ خیال کیا گیا اور تحریک عدم اعتماد سے حکومتی فرار کے بعد پیدا ہونے والی صورت حال پر بھی بات چیت کی گئی اور ڈپٹی سپیکر قومی اسمبلی کی غیرقانونی رولنگ اور حکومت کی جانب سے اپوزیشن پر سنگین الزامات پر بھی گفتگو کی گئی۔

پی پی کی سی ای سی کے اجلاس میں موجود اراکین نے پارٹی قیادت کو موجودہ ملک کی سیاسی صورتحال پر اپنی تجاویز و آرا بھی دی ہیں۔