عمران خان کو وزارت عظمیٰ سے ہٹائے جانے کیخلاف ملک گیر احتجاج

تفصیلات کے مطابق سابق وزیراعظم عمران خان  کے وزارت عظمی کے خاتمے پر سپورٹرز اور کارکنا ن انتہائی افسردہ ہیں اور عمران خان کی کال پر ملک کے مختلف شہروں میں تحریک انصاف کے کارکنان  بڑی تعداد میں سڑکوں پر نکل آئے اور عمران خان سے اظہار یکجہتی کرتے ہوئے  ان کےحق میں نعرے لگائے۔

پی ٹی آئی کے کارکنوں نے کراچی، لاہور،اسلام آباد،  ملتان، فیصل آباد، چلاس، کوہاٹ، چیچہ وطنی، جہانیاں، میانوالی، بہاولنگر، منڈی بہاء الدین، سکھر، کندھ کوٹ، خیرپور اور تھر پارکر میں عمران خان کی حمایت کااظہار  کیا۔

Zero Point, Islamabad, right now. Massive support for @ImranKhanPTI ! #امپورٹڈ_حکومت_نامنظور pic.twitter.com/wA3JTENb2q

— PTI (@PTIofficial) April 10, 2022

کراچی میں پی ٹی آئی کارکنوں نے ڈالمیا روڈ کو ٹریفک کے لیے بند کردیا، جس کے باعث ٹریفک پولیس گاڑیوں کو راشد منہاس روڈ سے نیپا چورنگی بھیجنے لگی۔ 

لاہور سمیت پنجاب کے مختلف شہروں میں پی ٹی آئی کارکنان نے مظاہرے کیے اور ریلیاں نکالیں۔ لاہور کے لبرٹی چوک پر تحریک انصاف کے کارکنوں اور سپورٹرز کی بڑی تعداد جمع ہوئی  اور عمران خان کی اپیل پر احتجاج کیا۔

Liberty Chowk’s crowd is already charged!! Today the Nation will demonstrate how they stand with @ImranKhanPTI ! #امپورٹڈ_حکومت_نامنظور pic.twitter.com/sKvWBecSH7

— PTI (@PTIofficial) April 10, 2022

ملتان کے مختلف علاقوں میں پی ٹی آئی کے کارکنوں نے ریلیاں نکالیں اور سابق وزیراعظم کے ساتھ اظہار یکجہتی کیا۔ فیصل آباد میں عمران خان کی اپیل پر تحریک انصاف کے کارکنوں نے ریلیاں نکالیں اور پی ٹی آئی حکومت کی تبدیلی کے معاملے پر نعرے بازی کی۔ پی ٹی آئی کارکنوں نے کوہاٹ میں کچہری چوک اور چلاس میں صدیق اکبر چوک پر احتجاجی مظاہرے کیے۔

چیچہ وطنی میں پیلس چوک، جہانیاں میں میونسپل کمیٹی چوک، منڈی بہاء الدین میں پریس کلب کے باہر، بہاولنگر میں سٹی چوک اور میانوالی میں وتہ خیل چوک پر پی ٹی آئی کارکنوں نے احتجاجی مظاہرے کیے۔ ادھر سندھ کے شہر سکھر میں پی ٹی آئی کارکنوں نے انصاف ہاؤس سے سٹی پوائنٹ چوک تک احتجاجی ریلی نکالی جبکہ خیر پور میں مختلف علاقوں میں احتجاج کیا۔

کندھ کوٹ کے علاقے بخشا پور میں پی ٹی آئی کی مقامی قیادت نے انصاف ہاؤس سے پریس کلب تک احتجاجی ریلی نکالی جبکہ تھرپارکر میں تحریک انصاف کے کارکن متحدہ اپوزیشن کے خلاف سڑک پر نکل آئے۔

دوسری جانب بیرون ملک بھی پی ٹی آئی کے حامیوں کی جانب سے عمران خان کی حمایت میں مظاہرہ کیا، پی ٹی آئی سندھ کے صدر علی حیدر زیدی کی جانب سے شیئر کی گئی ایک ویڈیو میں دبئی میں موجود مظاہرین کو 'ڈیزل' کے نعرے لگاتے ہوئے سنا جا سکتا ہے۔

 برطانیہ  میں پی ٹی آئی کے حامی اپنا احتجاج ریکارڈ کرانے کے لیے لندن میں ہائیڈ پارک میں جمع ہوئے ، مظاہرین کا کہنا تھا کہ وہ اپنا احتجاج ریکارڈ کرانے کے لیے امریکی سفارت خانے تک مارچ کریں گے۔

Pakistani’s in the street in Dubai! #امپورٹڈ_گورمنٹ_نامنظور pic.twitter.com/UbUjiWz4No

— Ali Haider Zaidi (@AliHZaidiPTI) April 10, 2022

خیال رہے کہ ہفتے کی رات قومی اسمبلی میں وزیراعظم عمران خان کے خلاف تحریک عدم اعتماد کامیاب ہوگئی جس کے بعد وہ اب ملک کے وزیراعظم نہیں رہے اور ساتھ ہی عدم اعتماد کے ذریعے ہٹائے جانے والے ملک کے پہلے وزیراعظم بن گئے۔