احساس پروگرام کا نام تبدیل، چیئرپرسن ثانیہ نشتر عہدے سے مستعفی

چیئرپرسن بےنظیرانکم سپورٹ پروگرام ثانیہ نشتر مستعفی
احساس پروگرام کا نام بدل کر بے نظیرانکم سپورٹ پروگرام رکھ دیا گیا،پروگرام کی چیئرپرسن ثانیہ نشتر نے عہدے سے استعفیٰ دے دیا، ٹویٹ میں احساس پروگرام کے بجائے بے نظیر انکم سپورٹ پروگرام لکھتے ہوئے لکھا کہ میں عہدے سے مستعفیٰ ہورہی ہوں۔

ثانیہ نشتر نے مزید لکھا کہ پسماندہ لوگوں کی خدمت کرنا ایک بہت بڑا اعزاز رہا ہے عمران خان مجھے موقع دینے کے لیے شکریہ۔۔ آپ کی قیادت میں ملک کے لیے کام کرنا ایک اعزاز ہے۔

اس سے قبل ڈاکٹر ثانیہ نشتر نے کہا تھا احساس پروگرام کے بجٹ کا تمام ڈیٹا اور آڈٹ موجود ہے، حکومتیں بدلتی ہیں تو پراجیکٹ ختم کر دیئے جاتے ہیں، اگر عوام ہمارے پروگرام سے مستفید ہو رہے ہیں تو یہ پراجیکٹ چلتا رہے گا، پروگرام کے تحت انڈر گریجویٹ اسکالرشپس بھی فراہم کی جا رہی ہیں۔

ثانیہ نشتر کا کہنا تھا کہ نیشنل پروگرام میں 50 ہزار طلبا کو رواں برس 90 ہزار اسکالرشپس فراہم کی گئیں، رواں برس اسکالرشپس کا بجٹ بڑھا دیا ہے، احساس اسکالرشپ پروگرام میں اپلائی کرنے کی آخری تاریخ 30 نومبر میں توسیع کی جائے گی۔

سابق وزیراعظم عمران خان بھی این اے 95 میانوالی ون سے رکن اسمبلی کی حیثیت سے مستعفی ہوچکے ہیں،پاکستان تحریک انصاف کے چیئرمین عمران خان نے کہاتھا کہ میں ان چوروں کیساتھ اسمبلی میں نہیں بیٹھوں گا۔

انہوں نے کہا تھا کہ شہباز شریف پر 16ارب کا ایک اور 8 ارب کا ایک کرپشن کیس ہے، ایسا آدمی سلیکٹ یا الیکٹ ہوگا تو ملک کی اس سے بڑی توہین نہیں ہو سکتی۔

I have conveyed my resignation as Chairperson BISP. It has been a great privilege to serve the disadvantaged, whose lives I have always aspired to touch. Thank you @ImranKhanPTI for giving me the opportunity. It was an honor to serve the country under your leadership.

— Senator Dr Sania Nishtar (@SaniaNishtar) April 11, 2022