وزیراعظم کل ایک روزہ دورے پر کراچی جائیں گے

اسلام آباد : وزیراعظم شہباز شریف کل ایک روزہ دورے پر کراچی جائیں گے اور ایم کیو ایم سمیت اتحادی جماعتوں سے ملاقات کریں گے۔

تفصیلات کے مطابق وزیراعظم شہباز شریف کل ایک روزہ دورے پرکراچی جائیں گے جس کا شیڈول سندھ حکومت کو موصول ہو گیا ہے۔

شہباز شریف شیڈول کے مطابق  صبح 10 بجے کراچی پہنچیں گے جہاں وزیراعلیٰ سندھ مراد علی شاہ ان کا استقبال کریں گے۔وزیراعظم شہباز شریف اتحادی جماعتوں کی قیادت کے ہمراہ مزار قائد پر بھی جائیں گے۔اس کے علاوہ ایم کیو ایم سمیت اتحادی جماعتوں سے ملاقات بھی شیڈول میں شامل ہے۔