کراچی جلسہ:عمران خان نے کارکنان کو خصوصی ہدایت جاری کر دی

سماجی رابطے کی ویب سائیٹ ٹوئیٹر پر جاری اپنے پیغام میں سابق وزیر اعظم عمران خان نے کہا کہ کراچی میں ہمارے جلسے میں شرکت کے لیے آنے  والوں سے میری گزارش ہے کہ وہ قومی پرچم اپنے ساتھ لے کر آئیں۔

انہوں نے کہا کہ یہ عوامی جلسے امریکی شہہ پر مقامی میر جعفروں کی معاونت سے حکومتیں بدلنےکے خلاف جنگ ہے۔

سابق وزیر اعظم نے عوامی مظاہروں کو پاکستان کی خودمختاری اور حقیقی جمہوریت کی جنگ قرار دیا۔

My request to all those attending our jalsa in Karachi is to carry our Pakistan flag as this is now a fight for Pakistan's sovereignty & haqeeqi (real) democracy, & against US-instigated regime change, supported by local Mir Jafars. #امپورٹڈ_حکومت_نامنظور

— Imran Khan (@ImranKhanPTI) April 15, 2022

اس سے قبل رہنما تحریک انصاف اسد نے بھی ایک ٹوئیٹ کے ذریعے تحریک انصاف کے کارکنان کو سابق وزیر اعظم کی خواہش سے متعلق بتایا۔

اپنے ٹوئیٹ میں انہوں نے لکھا کہ ان شاء اللہ کل کراچی میں نئی تاریخ رقم ہونے جا رہی ہے.

ان کا کہنا تھا کہ یہ جدوجہد اب سیاسی پارٹی کے لیے نہیں بلکہ حقیقی طور پر آزاد قوم کے لیے ہے۔

انشاء اللہ کل کراچی میں نئ تاریخ رقم ہونے جا رہی ہے. کیونکہ یہ جدوجہد اب سیاسی پارٹی کے لئے نہیں بلکہ حقیقی طور پر آزاد قوم کے لئے ہے، عمران خان کی خواہش ہے کہ کل کے جلسے میں شرکت کرنے والے لوگ زیادہ سے زیادہ تعداد میں پاکستان کا قومی پرچم لے کر آئیں #امپورٹڈ_حکومت_نامنظور pic.twitter.com/0FpkOOtWDD

— Asad Umar (@Asad_Umar) April 15, 2022

اسد عمر نے کہا کہ عمران خان کی خواہش ہے کہ  کل کے جلسے میں شرکت کرنے والے لوگ زیادہ سے زیادہ تعداد میں پاکستان کا قومی پرچم لے کر آئیں۔