لندن میں تحریک انصاف کے کارکنان کا بڑا احتجاجی مظاہرہ

میڈیا رپورٹس کے مطابق مظاہرین احتجاج کرتے ہوئے سابق وزیر اعظم نواز شریف کی رہائش گاہ ایون فیلڈ پہنچ گئے۔

احتجاجی مظاہرے کے شرکاء کا کہنا تھا کہ ہم کسی کے غلام نہیں، پوری قوم اور اوورسیز پاکستانی عمران خان کے ساتھ کھڑے ہیں۔

سابق وزیر اعظم عمران خان کے ساتھ اظہارِ یکجہتی پاکستان تحریک انصاف کے حامیوں نے لندن کے ہائیڈ پارک میں بھی مظاہرہ کیا۔

دوسری طرف مسلم لیگ نواز کے حامی بھی جھنڈے لہراتے، بینرز اور پلے کارڈز اٹھائے جمائما گولڈ اسمتھ کے گھر کے باہر احتجاج میں شریک ہوئے۔

احتجاجی مظاہرے کے شرکاء عمران خان کے خلاف نعرے بازی کرتے رہے جبکہ جمائما گولڈ اسمتھ کے گھر کے باہر پولیس کے دستے بھی تعینات تھے۔

لیگی رہنما عابد شیر علی نے 14 اپریل کو اعلان کیا تھا کہ اتوار کے روز جمائما گولڈ اسمتھ کے گھر کے باہر احتجاج کیا جائے گا۔

جمائما کے گھر کے باہر احتجاج کی کال پر عابد شیر علی کو سوشل میڈیا پر شدید تنقید کا سامنا بھی کرنا پڑا تھا۔