عمران خان خانہ جنگی کو ہوا دے رہا ہے:مریم نواز

مسلم لیگ ن کی رہنما مریم نواز نے سماجی رابطے کی ویب سائیٹ ٹوئیٹر پر جاری پیغام میں کہا کہ عمر بھر سازشیں کرنے والا فتنہ عمران خان ملک کی سلامتی کے درپے ہے، آئین کی دھجیاں اڑا رہا ہے اور ملک میں خانہ جنگی کو ہوا دے رہا ہے۔

انہوں نے کہا کہ کیا سیاست دانوں کی پگڑیاں اچھالنےاور ہر آئینی ادارے کو گالی دینے والے شخص کو کھلی چھوٹ ہے کہ وہ افواج پاکستان کو آئینی حلف پر قائم رہنے کی وجہ سے تماشہ بنائے۔

مریم نواز نے کہا کہ اپنی نااہلی سے ملک کو تباہ و برباد کرنے کے بعد عمران خان کی شکایت صرف یہ کہ میرا ساتھ کیوں نہیں دے رہے؟

اپنے پیغام میں انہوں نے سابق وزیر اعظم عمران خان کو احسان فراموش اور  محسن کش قرار دیتے ہوئے کہا کہ یہ حضرت علی کے قول کے مطابق اپنے ہی محسنوں کے خلاف اٹھ کھڑا ہوا ہے۔