حکومت نے سی این جی کی قیمت میں اضافہ کردیا

تفصیلات کے مطابق وفاقی حکومت نے سیلز ٹیکس وصولی کی مد میں سی این جی کی قیمت میں 6.89 روپے فی کلو گرام تک کا اضافہ کردیا ہے۔

میڈیا رپورٹس میں بتایا گیا ہے کہ ایف بی آر کی جانب سے جاری نوٹیفکیشن کے مطابق ریجن ون میں سیلز ٹیکس وصولی کے لیے سی این جی کی قیمت میں 5.43 روپے فی کلو گرام اضافہ کیا گیا ہے جبکہ روجن ٹو میں سی این جی کی قیمت میں 6.89 روپے فی کلو گرام تک کا اضافہ کیا گیا ہے۔

جاری نوٹیفکیشن کے مطابق اسلام آباد، راولپنڈی، گوجرخان، بلوچستان اور خیبرپختونخوا پر مشتمل ریجن ون میں سی این جی پر سیلز ٹیکس وصولی کے لیے قیمت 5.43 روپے اضافے کے ساتھ 140 روپے فی کلو گرام مقرر کی گئی ہے۔

اسی طرح سندھ اور پنجاب پر مشتمل ریجن ٹو میں سی این جی پر سیلز ٹیکس وصولی کے لیے قیمت 6.89 روپے اضافے کے ساتھ 135 روپے فی کلو گرام مقرر کی گئی ہے۔