ملک بھر میں موسم آج بھی شدید گرم رہے گا

ملک بھر کے میدانی علاقوں میں گرمی کا سلسلہ جاری ہے   تاہم بالائی پنجاب، خیبرپختونخوا، کشمیر اور گلگت بلتستان میں بارش کا امکان ہے۔

محکمہ موسمیات کے مطابق آئندہ چوبیس گھنٹوں میں موسم گرم اور مرطوب رہے گا، لاہور میں زیادہ سے زیادہ درجہ حرارت 38سے40کے درمیان رہنے کا امکان ہے۔

رپورٹس کے مطابق ملک کے وسطی اور جنوبی اضلاع میں جھکڑ چل سکتے ہیں۔ گزشتہ روز سب سے زیادہ درجہ حرارت بھکر، نورپور تھل اور ڈیرہ اسماعیل خان میں 49 ڈگری سینٹی گریڈ ریکارڈ کیا گیا ۔

لاہور میں 45، اسلام آباد اور پشاور میں 42، کراچی میں 37، کوئٹہ میں 34، گلگت میں 30 اور لیہہ میں زیادہ سے زیادہ درجہ حرارت 22 ڈگری سینٹی گریڈ ریکارڈ کیا گیا۔