تحریک انصاف آج گوجرانوالہ میں پاور شو کرے گی

جی این این کے مطابق  تحریک انصاف آج گوجرانوالہ  میں  پنڈال سجائے گی ،  جلسہ کے حوالے سے تمام تیاریاں حتمی مراحل میں داخل ہوچکی ہیں ۔ 

اس حوالے سے   جلسہ گاہ جناح سٹیڈیم سو فٹ لمبا اور 30 فٹ اونچا سٹیج بنایا گیا ہے جبکہ  ساؤنڈ سسٹم اور لائٹنگ کے انتظامات مکمل کر لیے گئے ہیں۔ 

جلسہ گاہ میں 20 ہزار کرسیاں لگائی جائیں گی  جبکہ  سٹیڈیم کی پختہ سیٹنگ میں 30 ہزار افراد بیٹھنے کی گنجائش ہے ۔  جناح سٹیڈیم کے اندر اور باہر بڑی سکرین بھی لگائی جائیں گی۔ 

کپتان کو ویلکم کرنے کے لیے شہر بھر میں بڑے بڑے سائن بورڈ لگائے گئے ہیں۔  

گزشتہ روز  کوہاٹ میں ہونے والے جلسے سے خطاب کرتے ہوئے چیئر مین اور سابق وزیراعظم عمران خان نے کہا کہ شہبازشریف نے وزیراعظم بننے کے لیے بڑی محنت کی، یہ پھنس گئے ہیں ۔ گالیاں ن لیگ کو پڑ رہی ہیں اورزرداری مزے لے رہا ہے ۔ عدالت نے ہماری اخلاقیات کو گرنے سےبچایا، اور آج کے فیصلے میں منحرف ارکان کے ووٹ کو مسترد کر دیا، جو لوگ اپنے حلقوں ، قوم اور جمہوریت سے غداری کرتے ہیں ، شکر ہے سپریم کورٹ نے فیصلہ دیا ہے۔