سیکیورٹی فورسز کے قافلے پر حملہ، ایک سپاہی شہید

پاک فوج کے شعبہ تعلقات عامہ کے مطابق جنوبی وزیرستان میں آئی ای ڈی سے سیکیورٹی فورسز کے قافلے کو نشانہ بنایا گیا جس میں حوالدار محمد سانور شہید ہو گئے ہیں۔

آئی ایس پی آر کے مطابق جہلم سے تعلق رکھنے والے شہید حوالدار محمد سانور کی عمر 39 سال ہے، ترجمان پاک فوج کا کہنا ہے کہ علاقے میں دہشت گردوں کے خلاف کلیئرنس آپریشن جاری ہے۔

افسوسناک واقعہ پر دکھ کا اظہار کرتے ہوئے سابق وفاقی وزیر فواد چودھری نے کہا کہ جہلم کے جوانوں نے پاکستان فوج میں جرات اور بہادری کی تاریخ رقم کی ہے۔

جہلم کے 39 سالہ جوان سانور نے آج جنوبی وزیرستان میں شہادت دی، جہلم کے جوانوں نے پاکستان فوج میں جرآت اور بہادری کی تاریخ رقم کی ہے، سانور کی شہادت آزادی کے اس چراغ کو جلا بخشے گی خدا آپ کو کوٹ کروٹ جنت نصیب کرے آپ کا قرض دھرتی پر رہے گا pic.twitter.com/q9TJ9J4ziZ

— Ch Fawad Hussain (@fawadchaudhry) May 19, 2022

ٹوئیٹر پع جاری پیغام میں فواد چودھری نے کہا کہ محمد سانور کا قرض دھرتی پر رہے گا، اس کی شہادت آزادی کے چراغ کو جلا بخشے گی۔