سابق وزیراعظم کےدورہ روس کادفاع کرتاہوں: بلاول بھٹو

نیویارک میں پریس کانفرنس سے خطاب کرتے ہوئے بلاول بھٹو نے کہا ہے کہ دورہ روس پر پاکستان کو قصور وارٹھہرانا درست نہیں، سابق وزیراعظم عمران خان نےخارجہ پالیسی کےتحت روس کادورہ کیاتھا، سابق وزیراعظم کےدورہ روس کادفاع کرتاہوں،روس یوکرین جنگ کےحوالے سے پاکستان امن کا خواہاں ہے۔

انہوں نے کہا کہ کالعدم ٹی ٹی پی سےمذاکرات کی کیا صورت حال ہے،تفصیل میں نہیں جاسکتا،ہم جنگ دیکھ دیکھ کر تھک چکے ہیں، کسی تنازعےکاحصہ نہیں بنناچاہتے،ہم کسی جارح کی طرف داری نہیں کرنا چاہتے۔

بلاول بھٹو نے کہا کہ بطوروزیرخارجہ خواتین کےحقوق کاعلمبردارہوں،ہم خواتین کوتعلیم تک رسائی دینےکےحامی ہیں،اافغانستان میں خواتین کوتمام بنیادی حقوق ملنےچاہئیں،امریکہ کے وزیرخارجہ کے ساتھ ملاقات میں ٹریڈ پر فوکس رہا،ہماری خارجہ پالیسی کا موٹو ایڈ کے بجائے ٹریڈ ہے۔

ان کا کہنا تھا کہ افغانستان کی نئی حکومت کوعالمی برادری کےتوقعات پرپورااترناچاہیے،ہم سب کےساتھ دوستی رکھناچاہتےہیں،کسی سےدشمنی نہیں چاہتے،امریکہ کے ساتھ جامع دو طرفہ تعلقات کے خواہاں ہیں،

کشمیر کاز پر بات کرتے ہوئے ان کا کہنا تھا کہ بھارتی اقدامات سکیورٹی کونسل کی قراردادوں کے منافی ہیں، مقبوضہ کشمیرمیں مسلمانوں کی اکثریت کواقلیت میں تبدیل کرنےکی کوشش ہورہی ہے،بھارت مقبوضہ کشمیرمیں آبادی کےتناسب کوتبدیل کررہاہے،مقبوضہ کشمیر تنازع کےمنصفانہ حل کی ضرورت ہے،جنوبی ایشیامیں امن واستحکام کے لیے مسئلہ کشمیرکاحل ناگزیرہے۔