الیکشن کمیشن کے فیصلے پر منحرف رکن علیم خان کا بھی رد عمل آ گیا

تحریک انصاف کے منحرف رکن پنجاب اسمبلی علیم خان نے سماجی رابطے کی ویب سائیٹ پر جاری پیغام میں کہا ہے کہ اللہ کا شکر ہے آج وہ واحد احسان بھی میرے سر سے اتر گیا جو مجھ پر صوبائی اسمبلی کی سیٹ کی صورت کیا گیا تھا۔

انہوں نے اپنے ٹوئیٹ میں لکھا کہ 10 سال کے احسانات کا معاملہ جو میں نے عمران خان کی ذات اور تحریک انصاف پر کیے ان کو میں نے اللہ پہ چھوڑ دیا ہے۔

اللہ کا شکر ہے آج وہ واحد احسان بھی میرے سر سے اتر گیا جو صوبائی اسمبلی کی سیٹ کی صورت میں مجھ پر کیا گیا تھا۔ باقی رہا وہ 10سال کے احسانات کا معاملہ جو میں نے عمران خان کی ذات اور پی ٹی آئی پر کئے اُس کو میں نے اللہ پہ چھوڑ دیا ہے کیونکہ اللہ بہترین انصاف کرنے والا ہے۔

— Abdul Aleem Khan (@abdul_aleemkhan) May 20, 2022

واضح رہے کہ الیکشن کمیشن آف پاکستان نے منحرف اراکین سے متعلق فیصلہ سناتے ہوئے علیم خان سمیت تحریک انصاف کے 25 اراکین پنجاب اسمبلی کو ڈی سیٹ کر دیا ہے۔