حکومت کا آئندہ مالی سال کا بجٹ 10 جون کو پیش کرنے کا اعلان

تفصیلات کے مطابق مالی سال 23-2022 کا بجٹ 10 جون بروز جمعہ قومی اسمبلی میں پیش کیا جائے گا، وزیر اعظم شہباز شریف نے آئندہ مالی سال کا بجٹ پیش کرنے کی سمری کی منظوری دے دی ہے۔

وزیر اعظم کی منظوری کے بعد آئندہ مالی سال کا بجٹ 10 جون کو پیش کرنے کا نوٹیفکیشن جاری کر دیا گیا ہے، نوٹیفکیشن کے مطابق 10 جون کو  ہی وفاقی بجٹ سینیٹ کو  بھجوایا جائے گا۔

علاوہ ازیں سیکرٹری خزانہ کی جانب سے سیکرٹری کابینہ کو خط بھی لکھا گیا ہے جس میں بجٹ تجاویز کی منظوری کے لیے کابینہ اجلاس 10 جون کو طلب کرنے کا کہا گیا ہے۔