حقیقی آزادی مارچ 25سے29تاریخ کے درمیان ہوگا: عمران خان

ملتان میں جلسے سے خطاب کرتے ہوئے سابق وزیر اعظم نے کہا حقیقی آزادی مارچ کی تاریخ سے متعلق دو دن تک کلیئر بتا دوں گا تاکہ عوام کو تیاری کو موقع مل جائے۔

انہوں نے کہا کہ ہمارے فوجی بھی تیار ہیں دھرنے میں آنے کے لیے،پنڈی قریب ہے،ان کی فیملیز آئیں گی،ریٹائرڈ فوجی افسران بھی بھرپور شرکت کریں گے۔

سابق وزیر اعظم کا کہنا تھا کہ اسلام آباد میں جو عوام کا سمندر آرہا ہے،وہ دنیا کا سب سے بڑا ہجوم ہوگا،بات سیاست سے آگے چلی گئی ہے،اب یہ انقلاب ہے،جس نے پاکستانی عوام کو ایک قوم بنا دیا ہے۔