مریم نواز سے متعلق عمران خان کے بیان پر رانا ثناءاللہ کا شدید ردعمل

مسلم لیگ ن کے آفیشل ٹوئیٹر اکاؤنٹ سے جاری بیان کے مطابق سابق وزیر اعظم کے بیان پر رانا ثناء اللہ نے کہا ہے کہ عمران خان اپنی پلید زبان کو لگام دو ورنہ گندگی پھیلانے والی زبان ہمیں کھینچنا آتی ہے۔

انہوں نے کہا کہ عمران خان قوم کی بیٹی مریم نواز شریف کے بارے میں جملے بازی کرکے پوری قوم کی خواتین کی توہین کر رہے ہیں،ملک کی معیشت، عوام کو تباہ کرنے والے عمران خان نے معاشرے کی اخلاقی قدروں کا بھی جنازہ نکال دیا ہے

وزیر داخلہ رانا ثناءاللہ خاں کا عمران خان کے خطاب پر شدید ردعمل

عمران خان پلید زبان کو لگام دو ورنہ گندگی پھیلانے والی زبان ہمیں کھینچنا آتی ہے

تم قوم کی بیٹی مریم نواز شریف کے بارے میں جملے بازی کرکے پوری قوم کی خواتین کی توہین کر رہے ہو

— PML(N) (@pmln_org) May 20, 2022

وزیر داخلہ رانا ثناء اللہ کا مزید کہنا تھا کہ اگر ہم نے اپنا جذبہ اور جنون دکھایا تو عمران نیازی سے برداشت نہیں ہوگا۔

واضح رہے کہ ملتان جلسے سے خطاب میں سابق وزیر اعظم عمران خان نے مریم نواز کو بار بار ان کا نام لینے پر خبردار کیا کہ اتنی شدت اور جذبے سے میرا نام لینے پر کہیں تمہارا شوہر ناراض نہ ہو جائے۔