جرمنی میں طوفان نے تباہی مچادی

خبر رساں ادارے کے مطابق  مغربی جرمن شہر پیڈربورن سے ٹکرانے والے طوفان  میں جمعہ کو 30 سے ​​زائد افراد زخمی ہوئے، جن میں سے 10 کی حالت تشویشناک ہے۔

طوفان نے نارتھ رائن ویسٹ فیلیا ریاست کے شہر  کو بھی  نقصان پہنچایا ۔ طوفان اس قدر شدید تھا کہ کئی گھروں کی  چھتیں اڑ گئیں اور درخت جڑ سے اکھڑ گئے ۔

طوفان سے ریلوے کا نظام بھی متاثر ہوا ہے اور پولیس نے لوگوں کو گھروں میں رہنے کی ہدایت کردی ۔  سوشل میڈیا پر شیئر کی گئی تصاویر میں گاڑیوں کو الٹ کر دکھایا گیا تھا۔

محکمہ موسمیات کے ماہرین نے طوفان کی وارننگ جاری کرتے ہوئے کچھ جگہوں پر 130 کلومیٹر فی گھنٹہ (80 میل فی گھنٹہ) کی رفتار سے آندھی کی پیش گوئی کی تھی۔

جمعرات کو آنے والے طوفان نے پہلے ہی ٹریفک کی روانی کو متاثر کیا تھا ، مغربی جرمنی میں سینکڑوں تہہ خانوں میں سیلاب آ گیا تھا۔