آئی جی اسلام آباد کا تبادلہ ، ڈاکٹر اکبر ناصر خان نئے سربراہ تعینات 

تفصیلات کے مطابق اسلام آباد پولیس کے جاری کردہ نئے نوٹیفکیشن کے مطابق  ڈاکٹر اکبر ناصر خان کو آئی جی اسلام آباد تعینات کر دیا گیا ہے ۔ پولیس سروس گریڈ20 کے  ڈاکٹر اکبر ناصر خان نیکٹا میں تعینات تھے ۔

تبادلوں سے متعلق  جاری کردہ نئے نوٹیفکیشن کے مطابق  ایس ایس پی آپریشنز اسلام آباد پولیس محمد فیصل کو بھی تبدیل کر دیا گیا ہے اور ان کی خدمات پنجاب کے حوالے کر دی گئی ہیں ۔  گریڈ 19 کے افسران سہیل ظفر چٹھہ اور  یاسر آفریدی کی خدمات بھی خیبر پختونخوا  سے  وفاق کے سپرد کر دی گئی ہیں۔

دوسری جانب آئی جی اسلام آباد کے عہدے سے ہٹائے جانے والے احسن یونس کی خدمات پنجاب کے حوالے کر دی گئیں ہیں ۔  اسٹیبلشمنٹ ڈویژن نے تقرر و تبادلوں کے نوٹیفکیشن جاری کر دیے۔

یاد رہے کہ دسمبر 2021 میں قاضی جمیل الرحمان کو ان کے عہدے سے ہٹا کر احسن یونس کو آئی جی اسلام آباد تعینات کیا گیا تھا۔