میاں محمود رشید کے علاوہ لاہور کے تمام رہنما محفوظ ہیں:حماد اظہر

سماجی رابطے کی ویب سائیٹ ٹوئیٹر پر جاری پیغام میں حماد اظہر نے کہا کہ ہزاروں کارکنان تیار ہیں، کل 9 بجے بتی چوک میں قوم اپنی خودداری کی راہ میں کوئی رکاوٹ نہیں آنے دے گی۔

اس قبل ایک ٹوئیٹ میں حماد اظہر نے تحریک انصاف کے زیر اہتمام حقیقی آزادی مارچ میں شرکت کے لیے کارکنان کو صبح 9 بجے بتی چوک پہنچنے کی ہدایت جاری کی تھی۔

میاں محمود رشید کے علاوہ لاہور کے تمام رہنما محفوظ ہیں۔ ہزاروں کارکن تیار ہیں۔ انشاللہ کل 9 بجے بتی چوک میں قوم اپنی خودداری کی راہ میں کوئی رکاوٹ نہیں آنے دے گی۔

— Hammad Azhar (@Hammad_Azhar) May 24, 2022

واضع ہے کہ پاکستان تحریک انصاف کے سینیئر رہنما میاں محمود الرشید کو لاہور سے گرفتار کر لیا گیا ہے جبکہ لانگ مارچ کے اعلان کے بعد ملک کے مختلف شہروں میں پی ٹی آئی رہنماؤں اور کارکنوں کے خلاف پولیس کا کریک ڈاؤن جاری ہے۔