مانسہرہ نواز شریف کا تھا، ہے اور رہے گا، مریم نواز

مانسہرہ میں جلسے سے خطاب میں مریم نواز نے کہا کہ تیس سال پہلے جس سفر کو 4 گھنٹے لگتے تھے، آج گھنٹے میں طے ہوگیا، ہزارہ موٹر وے نواز شریف کا تحفہ ہے۔

انہوں نے کہا کہ ثابت ہوگیا کہ مانسہرہ اور ہزارہ نواز شریف کا تھا، ہے اور رہے گا، شہباز شریف پاکستان کا حقیقی خدمت گار ہے۔

ن لیگی نائب صدر نے مزید کہا کہ پنجاب کی تقدید بدلی، آپ کی سپورٹ سے شہباز شریف پاکستان کی قسمت بھی بدل دے گا۔

اُن کا کہنا تھا کہ پاکستان سے وعدہ کرتی ہوں کہ جو زخم عمران خان نے لگائے شہباز شریف اور نواز شریف اپنی محنت سے مرہم لگائیں گے۔

مریم نواز نے یہ بھی کہا کہ خیبر پختونخوا کے عوام نے انتشار پر مبنی مارچ کو ایبسولوٹلی ناٹ کہہ کر مسترد کردیا۔

انہوں نے کہا کہ جس ہیلی کاپٹر میں عمران خان اسلام آباد آئے، وہ سرکاری ہیلی کاپٹر تھا، میری ہمدردیا ں سعید احمد جان کے گھر والوں کے ساتھ ہیں۔